കാമുകന് ഒപ്പം ഒളിച്ചോടി പോയ പ്രായപൂര്‍ത്തിയാകാത്ത പെണ്‍കുട്ടിയെ അഞ്ചു മണിക്കൂറിനകം കണ്ടെത്തി
കാണാതായ പ്രായപൂര്‍ത്തിയാകാത്ത പെണ്‍ക്കുട്ടിയെ കണ്ടെത്തി. പെണ്‍ക്കുട്ടിയെ കടത്തികൊണ്ടു പോയ യുവാവിനൊപ്പം കൊല്ലത്ത് നിന്നാണ് പൊലീസ് കുട്ടിയെ കണ്ടെത്തിയത്. പൊലീസിന്റെ കൃത്യമായ ഇടപെടലാണ് പെണ്‍ക്കുട്ടിയെ ഉടന്‍ തന്നെ കണ്ടെത്താന്‍ സഹായിച്ചത്. കൊല്ലം ചടയംമഗത്ത് വെച്ചാണ് ഇരുവരെയും പൊലീസ് പിടികൂടുന്നത്. പരാതി ലഭിച്ച് 5 മണിക്കൂറുകള്‍ കൊണ്ട് പൊലീസ് യുവാവിനെയും പെണ്‍ക്കുട്ടിയെ കണ്ടെത്തിയത്. കണ്ണൂര്‍ സ്വദേശിയായ അജാസാണ് പെണ്‍ക്കുട്ടിയെ കടത്തികൊണ്ടു പോയത്. തിങ്കളാഴ്ച നവംബര്‍ ഒന്നിനായിരുന്ന സഹോദിരയെ സ്‌കൂളില്‍ കൊണ്ട് വിട്ടതിന് ശേഷം പെണ്‍ക്കുട്ടിയ കാണാനില്ലയെന്ന് പരാതി കോഴിക്കോട് പന്തീരാങ്കാവ് പൊലീസിന് ലഭിക്കുന്നത്. CCTV ദൃശ്യങ്ങളുടെയും സൈബര്‍ സെല്ലന്റെ സഹായത്തോടെ അന്വേഷണത്തിനൊടുവിലാണ് പെണ്‍ക്കുട്ടിയെയും യുവാവിനെയും കൊല്ലത്ത് നിന്നും പൊലീസ് പിടികൂടുന്നത്.
പരാതി ലഭിച്ചതിന് പിന്നാലെ നഗരത്തില്‍ അന്വേഷിച്ച പൊലീസ് റയല്‍വെ സ്റ്റേഷനിലെ CCTV ദൃശ്യങ്ങളില്‍ പെണ്‍ക്കുട്ടിയെ ഒരു യുവാവിനൊപ്പം നടന്ന് പോകുന്നത് കണ്ടത്. റയല്‍വെ സ്റ്റേഷനില്‍ അന്വേഷിച്ചപ്പോള്‍ ഇരുവരും കൊല്ലത്തേക്കുള്ള ടിക്കറ്റാണ് എടുത്തിരിക്കുന്നതെന്ന് കണ്ടെത്തി. തുടര്‍ന്ന് RPF ട്രയിനില്‍ പരിശോധിച്ചെങ്കിലും ഇരുവരുടെയും സീറ്റ് ഒഴിഞ്ഞ് കിടക്കുകയായിരുന്നു. ശേഷം റെയില്‍വെ സ്റ്റേഷനില്‍ അന്വേഷിച്ചപ്പോള്‍ ടിക്കറ്റെടുത്തിരിക്കുന്നത് അജാസ് എന്നയാളുടെ പേരിലാണ്. ആ പേര് വെച്ച് ഫേസ്ബുക്കില്‍ പരിശോധിച്ച് യുവാവിന്റെ നമ്പര്‍ പൊലീസ് കണ്ടെത്തുകയായിരുന്നു. പിന്നാലെ സൈബര്‍ സെല്ലിന്റെ സാഹയത്തോടെയാണ് ഇരുവരുടെ ലോക്കേഷന്‍ കണ്ടെത്തിയത്. ലോക്കേഷന്‍ പിന്തുടര്‍ന്ന ചടയമംഗലം KSRTC ബസ്റ്റ് സ്റ്റാഡില്‍ നിന്ന് പിടികൂടുകയായിരുന്നു. പെണ്‍ക്കുട്ടിയെ ഇന്‍സ്റ്റ്ഗ്രാമിലൂടെയാണ് പരിചയപ്പെട്ടതെന്ന് യുവാവ് പൊലീസിനോട് പറഞ്ഞു.
