വേള്‍ഡ് സ്റ്റാര്‍ എംഡി ഹസീന നിഷാദിനെ ദുബൈ കെഎംസിസി വനിതാ വിങ് ആദരിച്ചു
യുഎയിലെ പ്രമുഖ നിര്‍മാണ കമ്പനിയായ വേള്‍ഡ് സ്റ്റാര്‍ ഹോള്‍ഡിംഗ്സിന്റെ എംഡി ഹസീന നിഷാദിനെ ദുബൈ കെഎംസിസി വനിത വിങ് ആദരിച്ചു. യുഎഇയുടെ അമ്പതാം സ്വാതന്ത്ര്യദിനാഘോഷങ്ങളോട് അനുബന്ധിച്ച് ദുബൈ കെഎംസിസി സംഘടിപ്പിക്കുന്ന അമ്പത് വ്യത്യസ്ത പരിപാടികളുടെ ഭാഗമായി ദുബൈ കെ.എം.സി.സിയില്‍ നടന്ന വിമന്‍സ് ഫെസ്റ്റിലാണ് ഹസീന നിഷാദിനെ ആദരിച്ചത്. ഡികെഎംസിസി വനിതാ വിങ് പ്രസിഡന്റ് സഫിയ മൊയ്തീന്‍ അദ്ധ്യക്ഷത വഹിച്ച ചടങ്ങില്‍ കേരള മുസ്ലിം യൂത്ത് ലീഗ് അദ്ധ്യക്ഷന്‍ പാണക്കാട് സയ്യിദ് മുനവ്വര്‍ അലി ശിഹാബ് തങ്ങള്‍ ഹസീനയ്ക്ക് മെമെന്റോ നല്‍കി.
ദുബൈ ഇന്ത്യന്‍ കൊണ്‍സലേറ്റിലെ കൊണ്‍സല്‍ ടഡു മമു, മുസ്ലീംലീഗ് സംസ്ഥാന സെക്രട്ടറി ഷാഫി ചാലിയം, യുഎഇ കെഎംസിസി ജനറല്‍ സെക്രട്ടറി അന്‍വര്‍ നഹ, കെഎംസിസി വനിതാ വിങ് മുഖ്യരക്ഷാധികാരി ശംസുന്നിസ ശംസുദ്ദീന്‍, സുഹറാബി യഹ്യ എന്നിവര്‍ സന്നിഹിതരായിരുന്നു. ഓര്‍ഗനൈസിങ് സെക്രട്ടറി നസിയ ശബീര്‍ അലി, കെഎംസിസി ആക്ടിംഗ് പ്രസിഡന്റ് ഹുസൈനര്‍ എടച്ചൊക്കെ, ജന. സെക്രട്ടറി മുസ്തഫ തിരൂര്‍, കോര്‍ഡിനേറ്റര്‍ ഹനീഫ് ചെര്‍ക്കളം, സാജിദ് അബൂബക്കര്‍, ഓകെ ഇബ്രാഹിം, നിസാമുദ്ദീന്‍ കൊല്ലം എന്നിവര്‍ ആശംസകള്‍ നേര്‍ന്നു. ഡികെഎംസിസി വനിതാ വിങ് ജന. സെക്രട്ടറി റീന സലിം സ്വാഗതവും ട്രഷറര്‍ നജ്മ സജിദ് നന്ദിയും പറഞ്ഞു.
