വഴിത്തര്‍ക്കം ; മലപ്പുറത്ത് ഗൃഹനാഥത്തെ അയല്‍ക്കാരി തീകൊളുത്തിക്കൊന്നു
വാഴിത്തര്‍ക്കത്തെ തുടര്‍ന്ന് മലപ്പുറത്ത് ഗൃഹനാഥത്തെ അയല്‍ വാസിയായ യുവതി തീകൊളുത്തിക്കൊന്നു എന്ന് പരാതി. മലപ്പുറം എടവണ്ണയിലാണ് ഞെട്ടിക്കുന്ന സംഭവമുണ്ടായത്. കിഴക്കേ ചാത്തല്ലൂരില്‍ ഷാജിയാണ് (42) മരിച്ചത്. ഇന്ന് രാത്രി ഏഴ് മണിയോടെയായിരുന്നു സംഭവം. അയല്‍വാസിയായ യുവതിയാണ് ഇത് ചെയ്തതെന്ന് നാട്ടുകാര്‍ ആരോപിക്കുന്നു. ഹോട്ടല്‍ തൊഴിയാളിയാണ് മരണപ്പെട്ട ഷാജി. ദീര്‍ഘനാളായി ഇവിടെ വഴിത്തര്‍ക്കം നിലനിന്നിരുന്നു. ഇന്ന് വഴക്ക് മൂര്‍ച്ഛിച്ചതിനെ തുടര്‍ന്ന് അയല്‍വാസിയായ യുവതി ഷാജിയെ തീകൊളുത്തി കൊലപ്പെടുത്തുകയായിരുന്നു. തീകൊളുത്തി കൊലപ്പെടുത്തിയ യുവതിയെ അറസ്റ്റ് ചെയ്‌തെങ്കില്‍ മാത്രമേ മൃതദേഹം കൊണ്ടുപോകാന്‍ അനുവദിക്കൂ എന്നതാണ് ബന്ധുക്കള്‍ നിലപാട്. ഇതേ തുടര്‍ന്ന് മൃതദേഹം ഇവിടെത്തന്നെ കിടത്തിയിരിക്കുകയാണ്.
