തിരുവനന്തപുരം വെമ്പായത്ത് ഇലക്ട്രിക്ക് കടയില്‍ വന്‍ തീപിടുത്തം
തിരുവനന്തപുരം വെമ്പായത്ത് ഇലക്ട്രിക്കല്‍ സാധനങ്ങള്‍ വില്‍ക്കുന്ന കടയില്‍ വന്‍ തീപിടുത്തം. നാല് നില കെട്ടിടത്തിലാണ് തീപിടുത്തമുണ്ടായത്. അഗ്‌നിബാധയില്‍ കെട്ടിടം പൂര്‍ണമായി നശിച്ചു. ഫയര്‍ഫോഴ്‌സ് എത്തി തീ അണക്കാനുള്ള ശ്രമങ്ങള്‍ തുടരുകയാണ്.കടയില്‍ ആളുകള്‍ ഇല്ലാതിരുന്ന സമയത്താണ് അപകടമുണ്ടായത് എന്നതിനാല്‍ ആളപായം ഒഴിവായി. സമീപത്തെ കടകളിലേക്കും തീ പടരുന്നുണ്ട്.
നെടുമങ്ങാട് നിന്നുള്ള രണ്ട് ഫയര്‍ യൂണിറ്റ് സ്ഥലതെത്തി തീ അണയ്ക്കാനുള്ള ശ്രമം നടക്കുന്നു. അടുത്തുള്ള പെയിന്റ് കടയിലും തീ പടരാന്‍ തുടങ്ങിയിട്ടുണ്ട്.തീ ആളിപ്പടരുന്നതിനാല്‍ കൂടുതല്‍ ഫയര്‍ യൂണിറ്റുകള്‍ സ്ഥലത്തേക്ക് എത്തിക്കൊണ്ടിരിക്കുകയാണ്. തീ ഇതുവരെ നിയന്ത്രണവിധേയമായിട്ടില്ല.
