കര്‍ണാടകയില്‍ ഉണ്ടായ വാഹനാപകടത്തില്‍ രണ്ടു മലയാളികള്‍ മരിച്ചു
കര്‍ണ്ണാടകയിലെ ഗുണ്ടല്‍പേട്ടയില്‍ ഉണ്ടായ വാഹനാപകടത്തില്‍ രണ്ട് മലയാളികള്‍ മരിച്ചു. വയനാട് കമ്പളക്കാട് സ്വദേശിയായ അജ്മല്‍ (20) ആണ് ഒരാള്‍ ഇയാളുടെ ഒപ്പമുണ്ടായിരുന്ന ആളെ തിരിച്ചറിഞ്ഞിട്ടില്ല. ഇയാള്‍ കല്‍പ്പറ്റ സ്വദേശിയാണന്നാണ് വിവരം. കര്‍ണാടകത്തില്‍നിന്ന് ഉള്ളിയും സവാളയും എടുത്ത് മടങ്ങിവരികയായിരുന്ന വാഹനമാണ് അപകടത്തില്‍പ്പെട്ടത്. കര്‍ണാടക മില്‍ക്ക് വാഹനവുമായി കൂട്ടിയിടിച്ചാണ് അപകടമുണ്ടായത്. കുത്തന്നൂരിന് സമീപം ഇന്ന് ഉച്ചയ്ക്കുശേഷം രണ്ടു മണിയോടെയാണ് അപകടം സംഭവിച്ചത്. ഇരുവരും സംഭവസ്ഥലത്ത് വെച്ച് തന്നെ മരിച്ചു. കര്‍ണാടക പൊലീസ് സ്ഥലത്തെത്തി ഇന്‍ക്വസ്റ്റ് നടപടികള്‍ പൂര്‍ത്തിയാക്കി, മൃതദേഹം പോസ്റ്റുമോര്‍ട്ടത്തിനായി മാറ്റി. ബന്ധുക്കള്‍ സംഭവ സ്ഥലത്തേയ്ക്ക് തിരിച്ചിട്ടുണ്ട്.
