ഒരു കുടുംബത്തിലെ 9 പേരെ വ്യത്യസ്ത ഇടങ്ങളില്‍ മരിച്ച നിലയില്‍ കണ്ടെത്തി
മഹാരാഷ്ട്രയിലാണ് ഞെട്ടിക്കുന്ന ഈ സംഭവം. അവിടെ സാംഗ്ലി ജില്ലയിലെ മഹൈസലിലെ രണ്ട് വീട്ടിലായാണ് മൃതദേഹങ്ങള്‍ കണ്ടെത്തിയത്. ആറ് മൃതദേഹങ്ങള്‍ ഒരു വീട്ടിലും മറ്റ് മൂന്ന് മൃതദേഹങ്ങള്‍ ഒരു കിലോമീറ്റര്‍ അകലെയുള്ള രണ്ടാമത്തെ വീട്ടിലുമാണ് കണ്ടെത്തിയത്. സാംഗ്ലി ജില്ലയിലെ മുതിര്‍ന്ന പോലീസ് ഉദ്യോഗസ്ഥര്‍ ഉടന്‍ സംഭവസ്ഥലത്തെത്തി പ്രാഥമിക അന്വേഷണം ആരംഭിച്ചു. മരിച്ച ഒമ്പത് പേരും മഹൈസല്‍ ആസ്ഥാനമായി പ്രവര്‍ത്തിക്കുന്ന രണ്ട് സഹോദരങ്ങളുടെ കുടുംബത്തില്‍ പെട്ടവരാണ് – ഒരാള്‍ വെറ്ററിനറി ഡോക്ടറും മറ്റൊരാള്‍ അദ്ധ്യാപകനും. പ്രാഥമിക സൂചനകളെല്ലാം സൂചിപ്പിക്കുന്നത് കൂട്ട ആത്മഹത്യയാണ് മരണങ്ങള്‍ എന്നാണ്. കാരണങ്ങളെക്കുറിച്ച് നിലവില്‍ അന്വേഷണം നടക്കുമ്പോള്‍, കുടുംബങ്ങള്‍ ചില സാമ്പത്തിക പ്രശ്നങ്ങള്‍ നേരിട്ടതായി ഞങ്ങള്‍ സംശയിക്കുന്നു’ – സാംഗ്ലി പോലീസ് സൂപ്രണ്ട് ദീക്ഷിത് ഗെദം പറയുന്നു.
ഡോക്ടറായ പോപ്പാട്ട് യല്ലപ്പ വാന്‍മോര്‍ (52), സംഗീത പോപ്പട് വാന്‍മോര്‍ (48), അര്‍ച്ചന പോപ്പട്ട് വാന്‍മോര്‍ (30), ശുഭം പോപ്പട്ട് വാന്‍മോര്‍ (28), മണിക് യല്ലപ്പ വാന്‍മോര്‍ (49), രേഖാ മണിക് വാന്‍മോര്‍ (49), രേഖാ മണിക് വാന്‍മോര്‍ (49) എന്നിവരാണ് മരിച്ചത്. 45), ആദിത്യ മണിക് വാന്‍ (15), അനിതാ മണിക് വാന്‍മോര്‍ (28), അക്കാടൈ വാന്‍മോര്‍ (72) എന്നിവരുടെ മൃതദേഹങ്ങളാണ് കണ്ടെത്തിയത്. മരണകാരണം എന്താണെന്ന് കണ്ടെത്തിയില്ലെന്നാണ് പൊലീസ് പറയുന്നത്. വിശദമായ അന്വേഷണം നടത്തും എന്നാണ് പൊലീസ് പറയുന്നത്. മൃതദേഹങ്ങള്‍ പോസ്റ്റ്‌മോര്‍ട്ടത്തിനായി മോര്‍ച്ചറിയില്‍ സൂക്ഷിച്ചിരിക്കുകയാണ്. ഒരു മൃതദേഹത്തിലും ബാഹ്യമായ മുറിവുകളില്ലെന്നാണ് പ്രാഥമിക അന്വേഷണത്തില്‍ വ്യക്തമായതെന്ന് പോലീസ് സ്‌പെഷ്യല്‍ ഇന്‍സ്‌പെക്ടര്‍ ജനറല്‍ (കോലാപ്പൂര്‍ റേഞ്ച്) മനോജ്കുമാര്‍ ലോഹ്യ പറഞ്ഞു. എല്ലാ മരണത്തിനും പിന്നിലെ കാരണം ഏതെങ്കിലും തരത്തിലുള്ള വിഷം ഉപയോഗിച്ചതാകാം എന്നാണ് വിലയിരുത്തല്‍.
