ചാനലുകാരെക്കണ്ട് സിനിമാ തിയറ്ററില്‍ നിന്നും ഇറങ്ങിയോടി ഷൈന്‍ ടോം ചാക്കോ ; പിന്നാലെ പത്രക്കാരും
ഇന്ന് റിലീസ് ആയ പന്ത്രണ്ട് എന്ന സിനിമ കളിക്കുന്ന എറണാകുളത്തെ ഒരു തിയറ്ററിലാണ് രസകരമായ സംഭവങ്ങള്‍ അരങ്ങേറിയത്. സിനിമ കണ്ടു ഇറങ്ങുന്നവരുടെ അഭിപ്രായങ്ങള്‍ ചോദിക്കാന്‍ മാധ്യമങ്ങള്‍ തിയറ്ററിനു മുന്നില്‍ നിലയുറപ്പിച്ചിരുന്നു. അത്തരത്തില്‍ പ്രേക്ഷകരുടെ അഭിപ്രായങ്ങള്‍ ചോദിച്ചറിയുന്ന സമയത്താണ് അവര്‍ക്കിടയിലൂടെ ഒരാള്‍ തിയറ്ററിനു ഉള്ളില്‍ നിന്നും ഇറങ്ങി ഓടിയത്. നോക്കുബോഴുണ്ട് സിനിമയിലെ ഒരു താരമായ ഷൈന്‍ ടോം ചാക്കോ.
എന്നാല്‍ ഇനി കൂടുതല്‍ വിശേഷങ്ങള്‍ ഷൈന്‍ ടോമിനോട് ചോദിക്കാമെന്ന് വിചാരിക്കുന്നതിനിടെ പത്രക്കാരെ വെട്ടിച്ചു ഷൈന്‍ അവിടന്നും ഓടി. കാര്യം അറിയാതെ ചില ചാനലുകാരും നടന്റെ പിന്നാലെ ഓടി. എന്നാല്‍ മാധ്യമങ്ങള്‍ക്കു മറുപടി നല്‍കാതെ തിയറ്റര്‍ വളപ്പില്‍ നിന്നും റോഡിലേയ്ക്ക് ഇറങ്ങി വീണ്ടും ഓടുകയായിരുന്നു. ലിയോ തദേവൂസ് തിരക്കഥയെഴുതി സംവിധാനം ചെയ്യുന്ന ചിത്രമാണ് പന്ത്രണ്ട്. വിനായകന്‍ , ഷൈന്‍ ടോം , ദേവ് മോഹന്‍ എന്നിവരാണ് ചിത്രത്തില്‍ പ്രധാന വേഷത്തില്‍ എത്തുന്നത്. ഈ സിനിമയുടെ പ്രസ്സ് മീറ്റിനു ഇടയിലാണ് നടന്‍ വിനായകനും മാധ്യമപ്രവര്‍ത്തകരും തമ്മില്‍ വാക്കേറ്റം ഉണ്ടായത്.
