വിമാന കമ്പനികള്‍ ബോര്‍ഡിംഗ് പാസിന് പണം ഈടാക്കരുത് എന്ന് വ്യോമയാന മന്ത്രാലയം
ബോര്‍ഡിംഗ് പാസിന് വിമാന കമ്പനികള്‍ പണം ഈടാക്കരുതെന്ന് വ്യോമയാന മന്ത്രാലയം. കൗണ്ടറില്‍ ചെക്ക് ഇന്‍ ചെയ്യുന്നവരില്‍നിന്ന് പണം ഈടാക്കുന്നത് ചട്ടവിരുദ്ധമായ നടപടിയാണ്. ഇത് നിരക്കുകളുടെ പരിധിയില്‍ ഉള്‍പ്പെടുത്താന്‍ പറ്റില്ലെന്ന് വ്യോമയാന മന്ത്രാലയം വ്യക്തമാക്കി. അതുപോലെ യാത്രക്കാരില്‍ നിന്ന് വിമാനക്കമ്പനികള്‍ അധിക തുക ഈടാക്കുന്നതായി MoCA (മിനിസ്ട്രി ഓഫ് സിവില്‍ ഏവിയേഷന്‍) യുടെ ശ്രദ്ധയില്‍പ്പെട്ടിട്ടുണ്ടെന്നും മന്ത്രാലയം ട്വിറ്ററില്‍ അറിയിച്ചു. അധിക തുക ഈടാക്കുന്നത് എയര്‍ക്രാഫ്റ്റ് റൂള്‍സ്, 1937 ലെ വ്യവസ്ഥകള്‍ പ്രകാരമുള്ള നിര്‍ദ്ദേശങ്ങള്‍ക്കനുസൃതമല്ലെന്നും വ്യോമയാന മന്ത്രാലയം ഓര്‍മപ്പെടുത്തി.
