ആശങ്കകള്‍ക്ക് വിരാമം ; നയന്‍താര വിഘ്നേശ് വിവാഹം നെറ്റ്ഫ്‌ലിക്‌സ് സംപ്രേഷണം ചെയ്യും
ആഴ്ചകള്‍ നീണ്ട ആശങ്കകള്‍ക്ക് ശേഷം നയന്‍താരയുടെ വിവാഹ വീഡിയോ വിഷയത്തില്‍ തീരുമാനമായി. ലേഡി സൂപ്പര്‍ സ്റ്റാര്‍ എന്ന് ആരാധകര്‍ വിളിക്കുന്ന താരറാണിയായ നയന്‍താരയുടേയും സംവിധായകന്‍ വിഘ്‌നേഷ് ശിവന്റേയും വിവാഹം ott പ്ലാറ്റ്‌ഫോം ആയ നെറ്റ്ഫ്‌ലിക്‌സ് തന്നെ സംപ്രേഷണം ചെയ്യും. വിവാഹം പൂര്‍ണമായി നെറ്റ്ഫ്‌ലിക്‌സിലൂടെ പുറത്തു വരുമെന്ന വാര്‍ത്ത വലിയ ആവേശത്തോടെയാണ് ആരാധകര്‍ അന്ന് ഏറ്റെടുത്തതു. എന്നാല്‍ വിവാഹശേഷം അനുമതി ഇല്ലാതെ വിഘ്‌നേഷ് ഇന്‍സ്റ്റഗ്രാമില്‍ പങ്കുവെച്ച വിവാഹ ചിത്രങ്ങള്‍ കാരണം ചില വിവാദങ്ങള്‍ ഉണ്ടായിരുന്നു. സ്വന്തം കയ്യില്‍ നിന്നും ഒരു രൂപ പോലും ചിലവില്ലാതെയാണ് നയന്‍സ് വിഘ്നേശ് വിവാഹം നടന്നത്. ജൂണ്‍ 9 നായിരുന്നു നയന്‍താരയും വിക്കിയും തമ്മിലുള്ള വിവാഹം. മഹാബലിപുരത്ത് നടന്ന ആര്‍ഭാഢ വിവാഹത്തില്‍ സിനിമാ ലോകത്തെ പ്രമുഖര്‍ക്കൊപ്പം താരങ്ങളുടെ അടുത്ത ബന്ധുക്കളും സുഹൃത്തുക്കളും മാത്രമായിരുന്നു പങ്കെടുത്തത്. വിവാഹദൃശ്യങ്ങള്‍ പുറത്തു പോകാതിരിക്കാന്‍ മാധ്യമങ്ങള്‍ക്കു പോലും പ്രവേശനമുണ്ടായിരുന്നില്ല.
ഏകദേശം 25 കോടി ചിലവായ വിവാഹത്തിന്റെ മുഴുവന്‍ ചിലവും വഹിച്ചത് നെറ്റ് ഫ്‌ലിക്‌സ് ആയിരുന്നു. പകരം വിവാഹത്തിന്റെ എക്‌സ്‌ക്ലൂസീവ് വീഡിയോ ഫോട്ടോ എന്നിവ തങ്ങള്‍ക്ക് വേണം എന്നായിരുന്നു നിബന്ധന. എന്നാല്‍ വിവാഹത്തിന് പിന്നാലെ വിഘ്നേശ് കുറെ ഫോട്ടോകള്‍ തന്റെ ഇന്‍സ്റ്റാഗ്രാം അക്കൊണ്ടില്‍ പോസ്റ്റ് ചെയ്തത് നെറ്റ് ഫ്‌ലിക്‌സ് അധികൃതര്‍ക്ക് ഇഷ്ടമായില്ല. തുടര്‍ന്ന് വിവാവ വീഡിയോ സംപ്രേഷണത്തില്‍ നിന്നും പിന്മാറുന്നു എന്ന് നെറ്റ് ഫ്‌ലിക്‌സ് അറിയിച്ചതായി വാര്‍ത്തകള്‍ വന്നിരുന്നു. ഇത് താര വിവാഹം കാണാം എന്ന ആരാധകരുടെ സ്വപ്നങ്ങള്‍ക്ക് തിരിച്ചടിയായി. എന്നാല്‍ ഇപ്പോള്‍ ആരാധകരെ കൂടുതല്‍ ആവേശത്തിലാക്കുന്നതാണ് നെറ്റ്ഫ്‌ലിക്‌സിന്റെ പുറത്തു വന്ന പുതിയ വീഡിയോ. ‘നയന്‍ താര ബീയോണ്ട് ദി ഫെയറി ടൈല്‍ ‘എന്ന പേരില്‍ വിവാഹം നെറ്റ് ഫ്‌ലിക്‌സില്‍ തന്നെ വരുമെന്ന ഒരു ടീസര്‍ ആണ് ഇപ്പോള്‍ അവര്‍ പുറത്തു വിട്ടത്.
നെറ്റ്ഫ്‌ലിക്‌സിനു വേണ്ടി സംവിധായകന്‍ ഗൗതം മേനോനാണ് താരവിവാഹം സംവിധാനം ചെയ്തത്. പുറത്തു വന്ന വീഡിയോയില്‍ നയന്‍താരയെ കുറിച്ച് വിഘ്‌നേഷ് ശിവന്‍ പറയുന്നതും വിവാഹത്തെ കുറിച്ച് നയന്‍താര പറയുന്നതുമുണ്ട്. കാഴ്ച്ചയില്‍ മാത്രമല്ല, അതിസുന്ദരമായ ഹൃദയത്തിന് ഉടമ കൂടിയാണ് നയന്‍താരയെന്നാണ് വിഘ്‌നേഷ് പറയുന്നത്. അതിമനോഹരമായ മാന്ത്രിക കഥ പോലെ നടന്ന താരവിവാഹം കാണാന്‍ അല്‍പം കൂടി കാത്തിരിക്കൂവെന്നാണ് വീഡിയോ പുറത്തുവിട്ടുകൊണ്ട് നെറ്റ്ഫ്‌ലിക്‌സ് അറിയിച്ചിരിക്കുന്നത്. Nayanthara: Beyond The Fairytale എന്നാണ് ലേഡി സൂപ്പര്‍ സ്റ്റാറിന്റെ വിവാഹ ഡോക്യുമെന്ററിക്ക് നെറ്റ്ഫ്‌ലിക്‌സ് നല്‍കിയിരിക്കുന്ന പേര്. വിവാഹ വീഡിയോ ഡോക്യുമെന്റി ഉടന്‍ പുറത്തിറങ്ങുമെന്നാണ് നെറ്റ്ഫ്‌ലിക്‌സ് അറിയിച്ചിരിക്കുന്നത്. ജുലൈ 21 നാണ് നയന്‍സ്-വിക്കി വിവാഹ ഡോക്യുമെന്ററി പുറത്തിറക്കുന്ന വാര്‍ത്ത നെറ്റ്ഫ്‌ലിക്‌സ് ഔദ്യോഗികമായി പുറത്തുവിട്ടത്.
View this post on Instagram
