മറ്റൊരു സ്ത്രീയുടെ കൂടെ കാറില്‍ യാത്ര ചെയ്തു ; ബിജെപി നേതാവിനെ പരസ്യമായി ചെരുപ്പൂരി തല്ലി ഭാര്യ
ഭുണ്ഡേല്‍ഖണ്ഡ് പ്രദേശത്തെ സെക്രട്ടറി കൂടിയായി ബിജെപി നേതാവ് മൊഹിത് സൊന്‍കറിനാണ് ഭാര്യയുടെ കൈയില്‍ നിന്നും മര്‍ദ്ദനമേറ്റത്. സ്ത്രീ സുഹൃത്തിനൊപ്പം കാറില്‍ കണ്ടതിന് പൊതുവഴിയില്‍ വച്ച് ചെരുപ്പ് കൊണ്ട് ബിജെപി നേതാവിനെ ഭാര്യയും അമ്മയും അടക്കമുള്ളവര്‍ മര്‍ദ്ദിക്കുകയായിരുന്നുവെന്ന് ന്യൂസ് ഏജന്‍സിയായ ഐഎഎന്‍എസ് റിപ്പോര്‍ട്ട് ചെയ്തു. ബിജെപി നേതാവിന്റെ സ്ത്രീ സുഹൃത്തിനെ അവരുടെ ഭര്‍ത്താവും മൊഹിതിന്റെ ഭാര്യയും തല്ലിയെന്നും റിപ്പോര്‍ട്ടില്‍ പറയുന്നു.
മൊഹിതിനെ ഭാര്യ തല്ലുന്നതിന്റെ വീഡിയോ സാമൂഹ്യ മാധ്യമങ്ങളില്‍ പ്രചരിക്കുന്നുണ്ട്. വിവരം ലഭിച്ചതിന്റെ അടിസ്ഥാനത്തില്‍ ജൂഹി പൊലീസ് ഉടന്‍ തന്നെ സ്ഥലത്ത് എത്തി. ഇരു വിഭാഗങ്ങളെയും പൊലീസ് സ്റ്റേഷനിലേക്ക് കൊണ്ട് പോവുകയും ചെയ്തു. മൊഹിത് ശങ്കറിന്റെ ഭാര്യ മോണി ശങ്കറും സ്ത്രീ സുഹൃത്തിന്റെ ഭര്‍ത്താവും ജൂഹി പൊലീസ് സ്റ്റേഷനില്‍ പരാതി നല്‍കിയിട്ടുണ്ട്. സംഭവത്തില്‍ അന്വേഷണം നടത്തിയ ശേഷം കേസെടുക്കുന്ന കാര്യത്തില്‍ തീരുമാനമെടുക്കുമെന്ന് ബാബുപുര്‍വ എസിപി അലോക് സിംഗ് പറഞ്ഞു.
