തൂത്തുക്കുടിയില്‍ വാഹനാപകടം ; നാല് തിരുവനന്തപുരം സ്വദേശികള്‍ മരിച്ചു
തൂത്തുക്കുടിയില്‍ ഉണ്ടായ വാഹനാപകടത്തില്‍ ഒരു കുടുംബത്തിലെ കുട്ടി ഉള്‍പ്പെടെ നാല് പേര്‍ കൊല്ലപ്പെട്ടു. തിരുവനന്തപുരം കിള്ളിപ്പാലം സ്വദേശി അഭിലാഷിന്റെ കുടുംബത്തില്‍ ഉള്ളവരാണ് മരിച്ചത്. അഭിലാഷിന്റെ മകന്‍ ഒരു വയസ്സുള്ള ആരവിന്റെ മുടി മുറിക്കല്‍ നേര്‍ച്ചയ്ക്കാണ് പളനിയില്‍ പോയ കുടുംബമാണ് അപകടത്തില്‍ പെട്ടത്. ആരവിനു പുറമേ അഭിലാഷിന്റെ അച്ഛന്‍ അശോകന്‍, അമ്മ ശൈലജ, ഭാര്യ സംഗീതയുടെ അമ്മ ജയാ മനോഹരന്‍ എന്നിവരും മരിച്ചു. ഇന്ന് പുലര്‍ച്ചെ ആയിരുന്നു തൂത്തുക്കുടിക്ക് സമീപത്തുവെച്ച് അപകടം ഉണ്ടായത്. പളനിയില്‍ പോയ തിരുവനന്തപുരം ചാല സ്വദേശികളായ തീര്‍ത്ഥാടകരാണ് അപകടത്തില്‍പ്പെട്ടതെന്ന വിവരം നേരത്തെ പുറത്തുവന്നിരുന്നു.അപകടത്തില്‍ ഒരാളുടെ നില ഗുരുതരമാണെന്നാണ് റിപ്പോര്‍ട്ട്.
