ഭാര്യ ജോലിക്ക് പോകുന്നത് ഇഷ്ടമില്ല ; ക്രൂരമായി മര്‍ദിച്ച ശേഷം വീഡിയോ എടുത്ത് പ്രചരിപ്പിച്ച ഭര്‍ത്താവ് അറസ്റ്റില്‍
ഭാര്യ ജോലിക്ക് പോകുന്നത് ഇഷ്ടമില്ലത്ത യുവാവ് ഭാര്യയെ ക്രൂരമായി മര്‍ദിച്ച ശേഷം വീഡിയോ എടുത്ത് പ്രചരിപ്പിച്ചു. തിരുവനന്തപുരം മലയന്‍കീഴിയില്‍ ആണ് സംഭവം. മലയിന്‍കീഴ് മേപ്പുക്കട സ്വദേശി ദിലീപ് ആണ് പിടിയിലായത്. ഭാര്യയെ മര്‍ദിക്കുന്ന ദൃശ്യങ്ങള്‍ ഇയാള്‍ മൊബൈലില്‍ ചിത്രീകരിച്ചു പ്രചരിപ്പിച്ചിരുന്നു. ഇയാള്‍ക്കെതിരെ വധശ്രമം ഉള്‍പ്പടെയുള്ള വകുപ്പുകള്‍ ചുമത്തി.
ഇക്കഴിഞ്ഞ ഞായാറാഴ്ചയാണ് സംഭവമുണ്ടായത്. മദ്യലഹരിയിലാണ് ഇയാള്‍ ഭാര്യയെ ക്രൂരമായി മര്‍ദിച്ചത്. ഭാര്യയുടെ തല ഭിത്തിയില്‍ ഇടിപ്പിക്കുകയും മൂക്കില്‍ മുഷ്ടി ചുരുട്ടി ഇടിക്കുകയും ചെയ്തു. ഇയാള്‍ ഒരു സ്ഥിരം മദ്യപാനിയാണ്. ഭാര്യ ജോലിയ്ക്ക് പോകുന്നതാണ് ഇയാളെ പ്രകോപിപ്പിച്ചത്. സ്ഥിരം മദ്യപാനിയാണ് ദിലീപ് എന്നാണ് പോലീസ് പറയുന്നത്. കൂടാതെ ഇയാള്‍ മയക്കുമരുന്നിന് അടിമ ആണ് എന്നും പോലീസ് പറയുന്നു. കുടുംബം പുലര്‍ന്നു പോകാനാണ് യുവതി ജോലിക്ക് പോയിരുന്നത്. ലോണ്‍ അടയ്ക്കുവാനുള്ള കാശിനു വേണ്ടിയാണു താന്‍ ജോലിക്ക് പോയിരുന്നത് എന്ന് യുവതി വീഡിയോയില്‍ പറയുന്നത് കേള്‍ക്കാം.
വീഡിയോ കടപ്പാട് മീഡിയ വൺ :
