കൊച്ചിയില്‍ യുവതിയെ കൊന്നു പ്ലാസ്റ്റിക് കവറില്‍ പൊതിഞ്ഞു ; ഭര്‍ത്താവ് ഒളിവില്‍
കൊച്ചി ഗിരിനഗറിലെ വീട്ടില്‍ സ്ത്രീയുടെ മൃതദേഹം പ്ലാസ്റ്റിക് കവറില്‍ പൊതിഞ്ഞ നിലയില്‍ കണ്ടെത്തി. കൊച്ചി ഇളംകുളത്ത് ആണ് സംഭവം. യുവതിയുടെ ദിവസങ്ങളുടെ പഴക്കമുള്ള മൃതദേഹമാണ് ഇവിടെ കണ്ടെത്തിയത്. പരിശോധനയില്‍ മഹാരാഷ്ട്ര സ്വദേശിയായ യുവതിയുടേതാണ് മൃതദേഹം എന്ന് തിരിച്ചറിഞ്ഞിട്ടുണ്ട്. ഇവരുടെ ഭര്‍ത്താവിനെ കാണ്മാനില്ല എന്നും വിവരമുണ്ട്. ഇയാളാകാം യുവതിയെ കൊലപ്പെടുത്തിയത് എന്ന് പോലീസ് സംശയിക്കുന്നു. ഇളംകുളത്തെ വീടിനുള്ളില്‍ കെട്ടിപ്പൊതിഞ്ഞ നിലയിലാണ് മൃതദേഹം കണ്ടെത്തിയത്. പ്ലാസ്റ്റിക് കവറിനുള്ളില്‍ പൊതിഞ്ഞു കെട്ടിയ നിലയിലായിരുന്നു മൃത ശരീരം കണ്ടെത്തിയത്. സ്ഥലത്തെത്തിയ പൊലീസ് അന്വേഷണം ആരംഭിച്ചിട്ടുണ്ട്. കൂടുതല്‍ വിവരങ്ങള്‍ ലഭ്യമായിട്ടില്ല.
