വീട്ടില്‍ അതിക്രമിച്ച് കയറി ഭര്‍ത്താവിന്റെ മുന്നില്‍വെച്ച് വീട്ടമ്മയെ മോഷ്ടാക്കള്‍ ബലാല്‍സംഗം ചെയ്തു
രാജസ്ഥാനിലെ സിറോഹി ജില്ലയിലാണ് സംഭവം. മോഷണം നടത്തുകയെന്ന ഉദ്ദേശത്തോടെയാണ് നാല്പേര്‍ വീട്ടിലേക്ക് കയറിയത്.കേസില്‍ മൂന്ന് പ്രതികള്‍ അറസ്റ്റിലായെന്നും നാലാമന് വേണ്ടി അന്വേഷണം നടക്കുകയാണന്നും പോലീസ് കൂട്ടിച്ചേര്‍ത്തു. ഇക്കഴിഞ്ഞ ബുധനാഴ്ചയാണ് കൃത്യം നടന്നത്. ദമ്പതികള്‍ രാത്രി ഉറങ്ങാനായി തയ്യാറെടുക്കുമ്പോഴാണ് മോഷ്ടാക്കള്‍ വീട്ടിലേക്ക് അതിക്രമിച്ച് കടന്നത്. മോഷ്ട്ടാക്കള്‍ ആദ്യം ഭര്‍ത്താവിന്റെ വസ്ത്രങ്ങള്‍ അഴിച്ചുമാറ്റി കൈവശമുണ്ടായിരുന്ന 1400 രൂപ തട്ടിയെടുത്ത ശേഷം കൂടുതല്‍ പണം ആവശ്യപ്പെട്ടു.
എന്നാല്‍ തങ്ങളുടെ കൈവശം കുറച്ച് വെള്ളി ആഭരണങ്ങളല്ലാതെ മറ്റൊന്നുമില്ലെന്ന് വീട്ടുകാര്‍ പറഞ്ഞു. വിലപിടിപ്പുള്ള മറ്റൊന്നും കിട്ടാതായതോടെ ഭര്‍ത്താവിന്റെ മുന്നില്‍വെച്ച് ഇവര്‍ വീട്ടമ്മയെ ക്രൂരമായി ബലാത്സംഗം ചെയ്യുകയായിരുന്നു. പ്രതികള്‍ പല സ്ഥലങ്ങളിലുള്ളവരായിരുന്നുവെന്നും മറ്റ് പോലീസ് സ്റ്റേഷനുകളുടെ സഹായത്തോടുകൂടിയാണ് മൂന്ന് പേരെ പിടികൂടിയതെന്നും നാലാമനെ ഉടന്‍ പിടികൂടുമെന്നും പിന്ദ്വാര ഡിവൈഎസ്പി ജീത്തു സിങ് പറഞ്ഞു.
