ഇന്‍സ്റ്റാഗ്രാമില്‍ 500 മില്യണ്‍ ഫോളോവേഴ്‌സ് ; ചരിത്രം കുറിച്ച് ക്രിസ്റ്റിയാനോ
ഇന്‍സ്റ്റാഗ്രാമില്‍ 500 മില്യണ്‍ ഫോളോവേഴ്സുള്ള ലോകത്തിലെ ആദ്യത്തെ വ്യക്തിയായി ഫുട്‌ബോളിലെ സൂപ്പര്‍ താരം ക്രിസ്റ്റിയാനോ റൊണാള്‍ഡോ. ഞായറാഴ്ച വൈകുന്നേരത്തോടെയാണ് ക്രിസ്റ്റിയാനോ ഈ നാഴികക്കല്ല് പിന്നിട്ടത്. ലോകത്ത് മറ്റൊരാള്‍ക്കും ഇത്രയധികം പേരെ സോഷ്യല്‍ മീഡിയയില്‍ സ്വാധീനിക്കാന്‍ കഴിഞ്ഞിട്ടില്ല എന്നുള്ളത് CR 7 എന്ന ബ്രാന്‍ഡിന്റെ മഹത്വം വിളിച്ചോതുന്നതാണ്.
സോഷ്യല്‍ മീഡിയ വഴി വലിയ ഒരു തുക പ്രതിഫലമായി ലഭിക്കുന്ന താരമാണ് ക്രിസ്റ്റിയാനോ റൊണാള്‍ഡോ. 375 ദശലക്ഷം ഫോളോവേഴ്സുള്ള ലയണല്‍ മെസ്സിയാണ് പട്ടികയിലെ രണ്ടാമത്തെ സെലിബ്രിറ്റി. അടുത്തിടെ പിയേഴ്സ് മോര്‍ഗന് നല്‍കിയ അഭിമുഖത്തില്‍ ‘താന്‍ റെക്കോര്‍ഡുകളെ പിന്തുടരുന്നില്ല, പകരം റെക്കോര്‍ഡുകള്‍ തന്നെ പിന്തുടരുന്നു’ എന്ന് പറഞ്ഞിരുന്നു. ഈ പ്രസ്താവന വളരെ ശരിയാണെന്ന് തെളിയിച്ചിരിക്കുകയാണ് ഇപ്പോള്‍ ഉള്ള നേട്ടം.
