വരന് മാലയിട്ടതിന് പിന്നാലെ വിവാഹവേദിയില് 20-കാരിയായ വധു കുഴഞ്ഞുവീണ് മരിച്ചു
യുപിയിലാണ് ഏവരെയും വിഷമത്തിലാക്കിയ സംഭവം നടന്നത്.വിവാഹ വേദിയില് 20-കാരിയായ വധു കുഴഞ്ഞുവീണ് മരിച്ചു. വരനും വധുവും പരസ്പരം ഹാരം കൈമാറുന്നതിനിടെയാണ് വധു പെട്ടെന്ന് കുഴഞ്ഞുവീണത്. ശനിയാഴ്ച സോഷ്യല് മീഡിയ വഴി സംഭവം അറിഞ്ഞ പൊലീസ് നടത്തിയ അന്വേഷണത്തിലാണ് വിവരങ്ങള് പുറത്തുവന്നത്. ലഖ്നൗവിലെ ഉള്പ്രദേശമായ മലിഹാബാദിലെ ഭദ്വാന ഗ്രാമത്തിലായിരുന്നു വിവാഹം നടന്നത്. മലിഹാബാദ് സ്റ്റേഷന് ഹൗസ് ഓഫീസര് എസ്എച്ച്ഒ സുഭാഷ് ചന്ദ്ര സരോജ് പറഞ്ഞതായി വാര്ത്താ ഏജന്സിയെ ഉദ്ധരിച്ച് ഡിഎന്എ റിപ്പോര്ട്ട് ചെയ്തു.
സോഷ്യല് മീഡിയ വഴിയാണ് ഞങ്ങള് സംഭവം അറിഞ്ഞത്. പിന്നീട് അന്വേഷണത്തിനായി ഒരു സംഘത്തെ ഗ്രാമത്തിലേക്ക് അയച്ചു. ലഭിച്ച വിവരങ്ങളുടെ അടിസ്ഥാനത്തില് ഭാദ്വാന ഗ്രാമത്തിലെ രാജ്പാല് എന്നയാളുടെ മകളാണ് മരിച്ച ശിവാംഗി. വിവാഹ വേദിയിലേക്ക് നടന്നുവന്ന ശിവാംഗി വരനായ വിവേകിന് മാലചാര്ത്തി. എന്നാല് പിന്നാലെ ശിവാഗി കുഴഞ്ഞുവീഴുകയായിരുന്നു. ആദ്യം പരിഭ്രാന്തരായ അതിഥികള് വൈകാതെ യുവതിയ കമ്യൂണിറ്റി ഹെല് സെന്ററിലെത്തിച്ചു. ഇവിടെ നിന്ന് ട്രോമ സെന്ററിലേക്ക് മാറ്റാന് നിര്ദേശിച്ചെങ്കിലും അപ്പോഴേക്കും യുവതി മരിച്ചിരുന്നുവെന്നും റിപ്പോര്ട്ട് പറയുന്നു. എന്താണ് മരണകാരണം എന്ന് വ്യക്തമായിട്ടില്ല.