ആഹാരം നല്‍കാമെന്ന് പറഞ്ഞു ഏഴുവയസുകാരിയെ പീഡിപ്പിച്ചയാള്‍ പിടിയില്‍
ചത്തീസ്ഗഡിലെ ബില്‍സാപൂരിലാണ് നാടിനെ നടുക്കിയ സംഭവം നടന്നത്. പ്രഭാതഭക്ഷണം വാഗ്ദാനം ചെയ്ത് ആണ് പ്രതി ഏഴുവയസ്സുകാരിയെ പീഡിപ്പിച്ചത്. ചകര്‍ഭാത പോലീസ് സ്റ്റേഷന്‍ പരിധിയിലാണ് സംഭവം നടന്നത്. മദ്യപിച്ചെത്തിയ ഒരാള്‍ പ്രഭാതഭക്ഷണം നല്‍കാമെന്ന് വാഗ്ദാനം ചെയ്ത് പെണ്‍കുട്ടിയെ ബൈക്കില്‍ കയറ്റിക്കൊണ്ടുപോയി. തുടര്‍ന്ന് അടുത്തുള്ള ഫാമില്‍ എത്തിച്ച ശേഷം ലൈംഗികമായി പീഡിപ്പിച്ചു. സംഭവശേഷം പെണ്‍കുട്ടിയെ ഉപേക്ഷിച്ച് പ്രതി രക്ഷപ്പെട്ടുവെന്ന് എഎസ്പി രാജേന്ദ്ര ജയ്സ്വാള്‍ പറഞ്ഞു. പ്രതിയുടെ ബൈക്ക് കണ്ടെത്തിയിട്ടുണ്ട്. വിശദമായ അന്വേഷണത്തിനൊടുവിലാണ് പൊലീസ് പ്രതിയെ പിടികൂടിയത്. പ്രദേശത്തെ സിസിടിവി കേന്ദ്രീകരിച്ച് നടത്തിയ അന്വേഷണത്തിലൂടെ പ്രതിയെ തിരിച്ചറിയുകയായിരുന്നു.പെണ്‍കുട്ടിയെ ഫാമിലേക്ക് കൂട്ടികൊണ്ടുപോയ ശേഷം പ്രതി ലൈംഗികമായി പീഡിപ്പിക്കുകയായിരുന്നുവെന്ന് പൊലീസ് പറഞ്ഞു.
