കേരളത്തിലെ ഫാന്‍സിനു പ്രത്യേകം നന്ദി പറഞ്ഞു അര്‍ജന്റീന ഫുട്ബോള്‍ അസോസിയേഷന്‍
ലോകകപ്പില്‍ അര്‍ജന്റീന കപ്പ് അടിച്ചപ്പോള്‍ ഒരു പക്ഷെ അവിടത്തേക്കാള്‍ ഏറെ ആഘോഷം നടന്നത് നമ്മുടെ കൊച്ചു കേരളത്തിലാകാം. കേരളത്തില്‍ ഏറ്റവും കൂടുതല്‍ ഫാന്‍സ് ഉള്ളത് ബ്രസീല്‍ അര്‍ജന്റീന ടീമുകള്‍ക്ക് ആണ്. അതുപോലെ ലക്ഷക്കണക്കിന് മലയാളികളുടെ ഇഷ്ട താരം ആണ് മെസ്സി.അതുകൊണ്ട് തന്നെ മലയാളികളുടെ ഈ സ്‌നേഹത്തിനും ടീമിനെ പിന്തുണച്ചതിനും കേരളത്തിനും ഇന്ത്യക്കും പ്രത്യേകം നന്ദി പറഞ്ഞിരിക്കുകയാണ് അര്‍ജന്റീന ഫുട്ബോള്‍ അസോസിയേഷന്‍. കൂടാതെ പാകിസ്താനിലെയും ബംഗ്ലാദേശിലെയും ആരാധകര്‍ക്കും നന്ദി അറിയിക്കുന്നുണ്ട്.
അര്‍ജന്റീനയുടെ വിജയത്തില്‍ ആഹ്ലാദിക്കുന്ന ബംഗ്ലാദേശിലെ ആരാധകരുടെ വിഡിയോക്കൊപ്പമാണ് ട്വീറ്റ് പങ്കിട്ടിരിക്കുന്നത്. മൂന്ന് രാജ്യങ്ങളുടെ പേരില്‍ കേരളത്തിന്റെയും പേരെടുത്ത് പറഞ്ഞത് ശ്രദ്ദേയമാണ്. ഇന്നലെ രാത്രിയാണ് ലുസൈല്‍ സ്റ്റേഡിയത്തില്‍ നടന്ന അതിഗംഭീര ഫൈനലില്‍ ഫ്രാന്‍സിനെ ഷൂട്ടൗട്ടില്‍ പരാജയപ്പെടുത്തി അര്‍ജന്റീന ലോക കിരീടം നേടിയത്. അര്‍ജന്റീന ക്യാപ്റ്റന്‍ ലയണല്‍ മെസിയാണ് ടൂര്‍ണമെന്റിലെ താരത്തിനുള്ള ഗോള്‍ഡന്‍ ബോള്‍ സ്വന്തമാക്കിയത്. ഫ്രഞ്ച് താരം കിലിയന്‍ എംബാപ്പെക്കാണ് ഗോള്‍ഡന്‍ ബൂട്ട്. അര്‍ജന്റീന ഗോള്‍കീപ്പര്‍ എമിലിയാനോ മാര്‍ട്ടിനസാണ് ഗോള്‍ഡന്‍ ഗ്ലൗ നേടിയത്.
Thank you Bangladesh 🤩
Thank you Kerala, India, Pakistan. Your support was wonderful! https://t.co/GvKwUP2hwJ— 🇦🇷 Selección Argentina ⭐⭐⭐ (@Argentina) December 19, 2022
