ബൈക്കിനു മുകളിലേക്ക് സ്‌കൂള്‍ ബസ് മറിഞ്ഞു ; ആറു വയസുകാരിക്ക് ദാരുണാന്ത്യം
മലപ്പുറം കൊണ്ടോട്ടിയില്‍ ആണ് അപകടം ഉണ്ടായത്. കൊണ്ടോട്ടി, ആന്തിയൂര്‍ കുന്നില്‍ ആണ് സ്‌കൂള്‍ ബസ് ബൈക്കിന് മുകളിലേക്ക് മറിഞ്ഞത്. അപകടത്തില്‍ മുത്തച്ഛനൊപ്പം ബൈക്കില്‍ സഞ്ചരിച്ച ആറുവയസ്സുകാരി മരിച്ചു. വൈകുന്നേരം ആണ് അപകടം ഉണ്ടായത്. പുളിക്കല്‍ നോവല്‍ സ്‌കൂളിന്റെ ബസാണ് അപകടത്തില്‍ പെട്ടത്. ബസിന്റെ നിയന്ത്രണം വിട്ടാണ് ബൈക്കിനു പുറത്തേക്ക് വീണത്. ഈ ബസില്‍ നിരവധി വിദ്യാര്‍ത്ഥികള്‍ ഉണ്ടായിരുന്നു. ഇവര്‍ക്ക് സാരമായി പരുക്കുകളില്ല. വിദ്യാര്‍ത്ഥികളെ എല്ലാം തൊട്ടടുത്ത ആശുപത്രിയിലേക്ക് മാറ്റി. ഹയാ ഫാത്തിമ എന്ന ആറുവയസ്സുകാരിയാണ് മരിച്ചത്. കുട്ടിയേയും ഒപ്പം തന്നെ കുട്ടിയുടെ മുത്തച്ഛനെയും കോഴിക്കോട് മിംസ് ആശുപത്രിയിലായിരുന്നു പ്രവേശിപ്പിച്ചിട്ടുണ്ടായിരുന്നത്. മുത്തച്ഛന്‍ കാര്യമായ പരുക്കുകളില്ലാതെ രക്ഷപ്പെട്ടു. ബസിലെ വിദ്യാര്‍ത്ഥികള്‍ക്ക് പ്രാഥമിക ശുശ്രൂഷ നല്‍കി.
