മോശം കാലാവസ്ഥ ശ്രീ ശ്രീ രവിശങ്കര്‍ സഞ്ചരിച്ച ഹെലികോപ്റ്റര്‍ സത്യമംഗലം കാട്ടില്‍ അടിയന്തര ലാന്‍ഡിംഗ് നടത്തി
പ്രമുഖ ആത്മീയ ആചാര്യന്‍ ശ്രീ ശ്രീ രവിശങ്കര്‍ സഞ്ചരിച്ച ഹെലികോപ്റ്റര്‍ കാട്ടില്‍ അടിയന്തര ലാന്‍ഡിംഗ് നടത്തി. ഈറോഡിന് അടുത്ത് സത്യമംഗലം കാട്ടില്‍ ആണ് ഹെലികോപ്പ്റ്റര്‍ അടിയന്തിര ലാന്‍ഡിംഗ് നടത്തിയത് എന്ന് റിപ്പോര്‍ട്ടുകള്‍ പറയുന്നു. ഈറോഡ് കടമ്പൂരിലായിരിലെ ആദിവാസി മേഖലയിലാണ് ഹെലികോപ്റ്റര്‍ ഇറക്കിയത്. ബെംഗളൂരുവില്‍ നിന്ന് തിരുപ്പൂരിലേക്ക് പോകുകയായിരുന്നു ശ്രീശ്രീ രവിശങ്കറും സംഘവും. യാത്രാമധ്യേ കാലാവസ്ഥ പ്രതികൂലമായതോടെയാണ് ഹെലികോപ്റ്റര്‍ അടിയന്തര ലാന്‍ഡിംഗ് നടത്തിയത് എന്നാണ് ഈറോഡ് പൊലീസ് അറിയിക്കുന്നത്. രവിശങ്കറിനെ കൂടാതെ മൂന്ന് പേര്‍ കൂടി ഹെലികോപ്റ്ററിലുണ്ടായിരുന്നു. കാലാവസ്ഥ മെച്ചപ്പെട്ടതോടെ ഹെലികോപ്റ്ററില്‍ തന്നെ രവിശങ്കറും സംഘവും തിരുപ്പൂരിലേക്ക് തിരിച്ചു.
