വിജയ് സിനിമ ലിയോ സെറ്റില്‍ നിന്നും തൃഷ പിണങ്ങി പോയോ…? സത്യം വെളിപ്പെടുത്തി താരത്തിന്റെ ‘അമ്മ
ഏവരും കാത്തിരിക്കുന്ന ഒരു സിനിമയാണ് വിജയ് – ലോകേഷ് വീണ്ടും ഒന്നിക്കുന്ന ലിയോ. വമ്പന്‍ താര നിര അണിനിരക്കുന്ന സിനിമയിലെ സംഗീതം അനിരുദ്ധ് ആണ്. ഏറെ നാളുകള്‍ക്ക് ശേഷം തൃഷ വിജയുടെ നായികയാകുന്നു എന്ന പ്രത്യേകതയും ലിയോക്ക് ഉണ്ട്.ദീപാവലിക്ക് റിലീസ് തീരുമാനിച്ച സിനിമ നടക്കുകയാണ്. എന്നാല്‍ സിനിമയെ പറ്റിയുള്ള ഗോസിപ്പുകള്‍ മിക്കദിവസവും പുറത്തു വരുന്നുണ്ട്. ലിയോ സെറ്റില്‍ നിന്നും തൃഷ പിണങ്ങി പോയ് എന്നാണ് കഴിഞ്ഞ ദിവസങ്ങളില്‍ വന്ന വാര്‍ത്ത. നടി പ്രചരണത്തില്‍ പറയുന്നത് പോലെ ഇറങ്ങിപോയതാണോ, മറ്റു പ്രശ്‌നങ്ങള്‍ എന്തെങ്കിലും ഉണ്ടോ എന്നാണ് പലരുടെയും ചോദ്യം. ഒടുവില്‍ വിശദീകരണവുമായി തൃഷയുടെ അമ്മ ഉമ തന്നെ രംഗത്തെത്തി. ഈ കാണുന്ന ചിത്രം തന്നെയാണ് വിഷയം.
കശ്മീരില്‍ വളരെ വേഗം ചിത്രീകരണം പുരോഗമിക്കവേ, തൃഷയെ ചെന്നൈ എയര്‍പോര്‍ട്ടില്‍ കണ്ടതാണ് വിഷയമായത്. നടി ചെന്നൈ എയര്‍പോര്‍ട്ടില്‍ ആരാധകര്‍ക്കൊപ്പം നില്‍ക്കുന്ന ദൃശ്യമാണ് പുറത്തായത്. ക്രീയേറ്റീവ് ആശയ വ്യത്യാസത്തെ തുടര്‍ന്ന് നടി പിന്മാറി എന്നായിരുന്നു റിപ്പോര്‍ട്ട്. എന്നാല്‍ ഇത് സത്യമല്ല എന്നാണ് നടിയുടെ ‘അമ്മ പറയുന്നത്. തൃഷ ഇപ്പോഴും കശ്മീരില്‍ ഉണ്ടെന്നും, തന്റെ ഭാഗങ്ങള്‍ ചിത്രീകരിക്കുകയാണെന്നും തൃഷയുടെ അമ്മ വിശദീകരിച്ചു. ഇപ്പോള്‍ പ്രചരിക്കുന്ന ചിത്രങ്ങള്‍ പഴയതാണ് എന്നാണ് ‘അമ്മ പറയുന്നത്. തൃഷ നായികയായി വരുമ്പോള്‍ സഞ്ജയ് ദത്താണ് വില്ലന്‍ കഥാപാത്രമായി എത്തുന്നത്. മിഷ്‌കിന്‍, ഗൗതം മേനോന്‍, പ്രിയ ആനന്ദ്, അര്‍ജുന്‍ സര്‍ജ, സാന്‍ഡി, മന്‍സൂര്‍ അലി ഖാന്‍ തുടങ്ങി വന്‍ താരനിരയാണ് ചിത്രത്തിലുള്ളത്. ലളിത് കുമാറിന്റെ സെവന്‍ സ്‌ക്രീന്‍ സ്റ്റുഡിയോസാണ് വന്‍ ബജറ്റില്‍ ചിത്രം നിര്‍മ്മിക്കുന്നത്.
