മലപ്പുറത്ത് വിവാഹ നിശ്ചയത്തലേന്ന് 27കാരന്‍ അറസ്റ്റില്‍ ; കാരണം അയല്‍വാസിയായ തമിഴ് യുവതിയുടെ പീഡന പരാതി
അയല്‍വാസിയായ യുവതിയുടെ ലൈംഗിക പീഡന പരാതിയില്‍ യുവാവിനെ പോലീസ് അറസ്റ്റ് ചെയ്തു. വിവാഹ നിശ്ചയത്തലേന്നാണ് യുവാവ് അറസ്റ്റിലായത്. മലപ്പുറം ചങ്ങരംകുളത്തിന് സമീപം കോക്കൂര്‍ കണ്ണത്ത് വളപ്പില്‍ മുഹമ്മദ് അന്‍സറിനെ (27) ആണ് ചങ്ങരംകുളം പൊലീസ് അറസ്റ്റ് ചെയ്തത്. തമിഴ്‌നാട് സ്വദേശിനിയായ ദളിത് യുവതി കുറച്ചുകാലമായി യുവാവിന്റെ വീടിന് സമീപത്താണ് താമസം. അവിടെ വെച്ചുള്ള പരിചയം മുതലെടുത്ത് പീഡിപ്പിച്ചെന്നാണ് പരാതി. അറസ്റ്റിലായ യുവാവിനെ പൊന്നാനി ജുഡീഷ്യല്‍ മജിസ്‌ട്രേറ്റ് കോടതി റിമാന്‍ഡ് ചെയ്തു. അതേസമയം പരാതി വ്യാജമാണ് എന്നാണ് യുവാവിന്റെ വീട്ടുകാര്‍ പറയുന്നത്. ഇരുവരും ഇഷ്ട്ടത്തിലായിരുന്നു എന്നും യുവാവിന്റെ വിവാഹം മുടക്കാന്‍ കരുതിക്കൂട്ടിയാണ് ഈ പരാതി ഉന്നയിക്കുന്നത് എന്നുമാണ് അവര്‍ പറയുന്നത്.
