കോഴിക്കോട് വനിതാ ഡോക്ടര്‍ സുഹൃത്തിന്റെ ഫ്ളാറ്റില്‍ മരിച്ചനിലയില്‍
കോഴിക്കോട് യുവ വനിതാ ഡോക്ടറെ സുഹൃത്തിന്റെ ഫ്ളാറ്റില്‍ മരിച്ചനിലയില്‍ കണ്ടെത്തി. വയനാട് കണിയാമ്പറ്റ സ്വദേശിനി തന്‍സിയ (25) യെയാണ് മരിച്ചനിലയില്‍ കണ്ടെത്തിയത്. കോഴിക്കോട് പാലാഴിയിലെ സുഹൃത്തിന്റെ ഫ്ളാറ്റിലാണ് തന്‍സിയയെ മരിച്ച നിലയില്‍ കണ്ടത്. കോഴിക്കോട് സ്വകാര്യ മെഡിക്കല്‍ കോളേജിലെ പി.ജി വിദ്യാര്‍ഥിയാണ് തന്‍സിയ. തന്‍സിയ അപസ്മാരവുമായി ബന്ധപ്പെട്ട് ചികിത്സയിലായിരുന്നതായി പൊലീസ് പറഞ്ഞു. കണിയാമ്പറ്റ പരേതനായ പള്ളിയാല്‍ ഷൗക്കത്തിന്റെയും ആമിനയുടെയും മകളാണ്. ഫരീദ് താമരശ്ശേരിയുടെ ഭാര്യയുമാണ്. സഹോദരങ്ങള്‍ : ആസിഫ് അന്‍സില. പോലീസ് സ്ഥലത്തെത്തി ബോഡി പോസ്റ്റ്‌മോര്‍ട്ടത്തിന് അയച്ചു.
