തുണി കച്ചവടത്തിന്റെ മറവില്‍ മദ്യ വില്പന ; യുവാവ് പിടിയില്‍
തുണിക്കച്ചവടത്തിന്റെ മറവില്‍ വീട്ടില്‍ അനധികൃത മദ്യ വില്‍പ്പന നടത്തിയ യുവാവ് പിടിയില്‍. പുത്തൂര്‍ വെട്ടുകാട് നാലുകെട്ട് സ്വദേശി പാതിരക്കാട്ട് വീട്ടില്‍ സിന്റോ (30)യാണ് പിടിയിലായത്.പ്രതിയുടെ വീട്ടില്‍ നിന്നും 50 കുപ്പി വിദേശ മദ്യവും എക്സൈസ് പിടികൂടി. തുണിവില്‍പ്പനയുടെ മറവിലായിരുന്നു മദ്യം വിറ്റിരുന്നത്. സമാനകേസില്‍ ഇതിന് മുമ്പും ഇയാള്‍ പിടിക്കപ്പെട്ടിട്ടുണ്ട്. തൃശ്ശൂര്‍ റേഞ്ച് അസിസ്റ്റന്റ് എക്സൈസ് ഇന്‍സ്‌പെക്ടര്‍ സി യു ഹരീഷിന്റെ നേതൃത്വത്തിലുളള സംഘമാണ് സിന്റോയെ പിടികൂടിയത്. എക്സൈസ് ഓഫീസര്‍മാരായ വിശാല്‍, ദുര്‍ഗ, ജോസഫ്, ശ്രീജിത്ത് എന്നിവരും പ്രിവന്റീവ് ഓഫീസര്‍ ടി ജി മോഹനന്‍, സുനില്‍കുമാര്‍ ടി ആര്‍, ശിവന്‍ എന്‍ യു എന്നിവരും ചേര്‍ന്നാണ് പ്രതിയെ പിടികൂടിയത്.
