ക്ലാസില്‍ വഴക്കിടാന്‍ പ്രോത്സാഹിപ്പിച്ച അധ്യാപികയെ പുറത്താക്കി
പി പി ചെറിയാന്‍
മെസ്‌ക്വിറ്റ്(ഡാളസ്):ക്ലാസില്‍ പരസ്പരം പോരടിക്കാന്‍ വിദ്യാര്‍ത്ഥികളെ പ്രോത്സാഹിപ്പിച്ചതായി അന്വേഷണത്തില്‍ കണ്ടെത്തിയതിനെ തുടര്‍ന്ന് മെസ്‌ക്വിറ്റ് ഐഎസ്ഡി പകരക്കാരിയായ ഒരു അധ്യാപികയെ പുറത്താക്കി. ഡാളസിലെ മെസ്‌ക്വിറ്റിലെ കിംബ്രോ മിഡില്‍ സ്‌കൂളിലായിരുന്നു സംഭവം
ക്യാമറയില്‍ പതിഞ്ഞില്ലായിരുന്നെങ്കില്‍ സംഭവം ശ്രദ്ധിക്കപ്പെടാതെ പോകുമായിരുന്നുവെന്നു .ഐഎസ്ഡി അധിക്രതര്‍ പറഞ്ഞു. ബുധനാഴ്ച ഉച്ചതിരിഞ്ഞ് കിംബ്രോ മിഡില്‍ സ്‌കൂളില്‍ പകരക്കാരിയായ ഒരു അധ്യാപിക വിദ്യാര്‍ത്ഥികളെ പരസ്പരം പോരടിക്കാന്‍ അനുവദിച്ചതായി മെസ്‌ക്വിറ്റ് ഐഎസ്ഡി സ്ഥിരീകരിച്ചു.
”ഞാന്‍ തകര്‍ന്നുപോയി. എനിക്ക് വീഡിയോ മുഴുവനായി കാണാന്‍ കഴിഞ്ഞില്ല ‘ സംഭവം റെക്കോര്‍ഡ് ചെയ്ത കുട്ടിയുടെ മാതാവ് ബിയാട്രിസ് മാര്‍ട്ടിനെസ് പറഞ്ഞു. ”ഇത് യാഥാര്‍ത്ഥ്യമാണെന്ന് ഞാന്‍ കരുതാത്തതിനാല്‍ എനിക്ക് ഇത് ഒന്നിലധികം തവണ നിര്‍ത്തേണ്ടി വന്നു. ഇതൊരു തമാശയായിരിക്കണം എന്ന് എനിക്ക് തോന്നി. ഇത് യഥാര്‍ത്ഥമല്ല.’വിദ്യാര്‍ത്ഥികളുടെ ഐഡന്റിറ്റി മറയ്ക്കാന്‍ വീഡിയോയുടെ ഭാഗങ്ങള്‍ ചിലതെല്ലാം അവ്യക്തമാക്കിയിരുന്നു.ക്ലാസിലെ ഒരു ഫൈറ്റ് ക്ലബ്ബ് പോലെയായിരുന്നു അതെന്ന് മാര്‍ട്ടിനെസ് പറഞ്ഞു.
സംഭവസമയത്ത് മൂന്ന് പെണ്‍കുട്ടികളുമായി വഴക്കിടാന്‍ വിദ്യാര്‍ത്ഥികളുടെ പേരുകള്‍ വിളിച്ചുവെന്ന് മാര്‍ട്ടിനെസ് പറഞ്ഞു. മണി മുഴങ്ങിയതോടെ പോരാട്ടങ്ങള്‍ അവസാനിച്ചു.”ബെല്ലാണ് അവളെ ശരിക്കും രക്ഷിച്ചത്,” മാര്‍ട്ടിനെസ് പറഞ്ഞു.
പ്രതികാര ഭയത്താല്‍ അജ്ഞാതനായി തുടരുന്ന ബിയാട്രിസിന്റെ മകള്‍, 12 ഉം 13 ഉം വയസ്സുള്ള കുട്ടികള്‍ക്ക് വഴക്കിടാന്‍ ഒരു ഇടം സൃഷ്ടിക്കാന്‍ ടീച്ചര്‍ ഡെസ്‌കുകള്‍ പോലും മാറ്റിവച്ചതായും . ചിലര്‍ ക്ലാസ് മുറിയില്‍ നിന്ന് ചോരയൊലിപ്പിച്ചാണ് പുറത്തേക്ക് വന്നതെന്നും കുട്ടി പറഞ്ഞു
സംഭവത്തെക്കുറിച്ച് അറിഞ്ഞതിനു ശേഷം,അധ്യാപികയെ ജോലിയില്‍ നിന്ന് പിരിച്ചുവിട്ടതായും സാഹചര്യത്തെയും പ്രതികരണത്തെയും കുറിച്ചുള്ള അപ്ഡേറ്റുമായി ക്ലാസിലുണ്ടായിരുന്ന വിദ്യാര്‍ത്ഥികളുടെ മാതാപിതാക്കളെ വിളിച്ച് മെസ്‌ക്വിറ്റ് ഐഎസ്ഡി പറഞ്ഞു.
അറസ്റ്റുകളോ കുറ്റങ്ങളോ ഇല്ലെന്നും എന്നാല്‍ കേസ് സജീവമായി അന്വേഷിക്കുകയാണെന്നും മെസ്‌ക്വിറ്റ് പോലീസ് വെള്ളിയാഴ്ച പ്രസ്താവനയില്‍ പറഞ്ഞു.
