വാഹനത്തില്‍ ശ്രദ്ധിക്കാതെ 5 മണിക്കൂര്‍, 10 മാസമുള്ള കുഞ്ഞ് ചൂടേറ്റു മരിച്ചു
പി പി ചെറിയാന്‍
ഫ്ളോറിഡ: കാറില്‍ ശ്രദ്ധിക്കാതെ കുറഞ്ഞത് 5 മണിക്കൂറെങ്കിലും ഉപേക്ഷിക്കപ്പെട്ട 10 മാസം പ്രായമുള്ള കുഞ്ഞ് കൊടും ചൂടില്‍ മരിച്ചു ഫ്ളോറിഡയിലാണ് സംഭവം. കുട്ടിയെ കാറില്‍ ഉപേക്ഷിച്ച ആയയായ റോണ്ട ജുവല്‍ നരഹത്യയ്ക്ക് അറസ്റ്റിലായി.
ബേക്കര്‍ കൗണ്ടി ഷെരീഫിന്റെ അറസ്റ്റ് റിപ്പോര്‍ട്ട് അനുസരിച്ച്, 133 ഡിഗ്രിക്ക് മുകളിലുള്ള ആന്തരിക താപനിലയില്‍ എത്തിയ കാറില്‍ കുട്ടിയെ അബോധാവസ്ഥയില്‍ കണ്ടെത്തുകയായിരുന്നു. ആശുപത്രിയിലെത്തിച്ചപ്പോള്‍ മരണം സ്ഥിരീകരിച്ചു. ലഭ്യമായ റിപോര്‍ട്ടനുസരിച്ചു പുറത്തെ താപനില 98 ഡിഗ്രി ഫാരന്‍ഹീറ്റിലെത്തി. ഇത് 10 മാസം പ്രായമുള്ള പെണ്‍കുഞ്ഞിന്റെ മരണത്തിന് കാരണമായി. മൂന്ന് കുട്ടികള്‍ക്കൊപ്പം കുഞ്ഞിനെ ബേബി സിറ്റിംഗ് ചെയ്യുമായിരുന്ന ആയയാണ് ജുവല്‍. സംഭവദിവസം അവര്‍ പെണ്‍കുട്ടിയെ മാതാപിതാക്കളുടെ വീട്ടില്‍ കൂട്ടിക്കൊണ്ടുപോയി. മറ്റ് കുട്ടികളുള്ള സ്ഥലത്തെത്തിയപ്പോള്‍ കുഞ്ഞ് ഉറങ്ങുകയായിരുന്നെന്ന് കരുതിയെന്നും അതിനാല്‍ വീടിനുള്ളില്‍ പോയി മറ്റ് കുട്ടികളുമായി ഇടപഴകിയെന്നും ജുവല്‍ അന്വേഷണ ഉദ്യോഗസ്ഥരോട് പറഞ്ഞു. കുഞ്ഞിനെ കാറില്‍ ഉപേക്ഷിച്ച കാര്യം പൂര്‍ണ്ണമായി മറന്നെന്നും അവര്‍ പറഞ്ഞു.
കേസ് അന്വേഷിക്കുന്ന ഡിറ്റക്ടീവ് 10 മാസം പ്രായമുള്ള കുട്ടി ആശുപത്രിയില്‍ മരിച്ചതായി സ്ഥിരീകരിച്ചു. ഒരു കുട്ടിയുടെ ക്രൂരമായ നരഹത്യയ്ക്ക് ജുവലിനെ അറസ്റ്റ് ചെയ്യുകയും വ്യാഴാഴ്ച ബേക്കര്‍ കൗണ്ടി ഡിറ്റന്‍ഷന്‍ സെന്ററിലേക്ക് കൊണ്ടുപോവുകയും ചെയ്തു. ജുവലിനു നിലവില്‍ ഒരു അറ്റോര്‍ണി ലിസ്റ്റ് ചെയ്തിട്ടില്ല.
ചൂടുള്ള കാര്‍ മരണങ്ങള്‍ തടയുന്നതിന് വേണ്ടി വാദിക്കുന്ന കിഡ്സ് ആന്‍ഡ് കാര്‍ സേഫ്റ്റി എന്ന സംഘടനയുടെ അഭിപ്രായത്തില്‍, ചൂടുള്ള വാഹനത്തില്‍ ഉപേക്ഷിച്ച് ഒരു കുട്ടി മരിക്കുന്നത് ഈ വര്‍ഷം യുഎസില്‍ 14-ാം തവണയാണ് മക്ലെന്നിയില്‍ അരങ്ങേറിയ ദുരന്തം. ഫ്‌ലോറിഡയില്‍, ഈ വര്‍ഷത്തെ ആറാമത്തെ ചൂടുള്ള കാര്‍ മരണമാണിത്.
കഴിഞ്ഞ വര്‍ഷം, രാജ്യവ്യാപകമായി 33 ഹോട്ട് കാര്‍ മരണങ്ങളുണ്ടായി, അതില്‍ നാലെണ്ണം ഫ്‌ലോറിഡയിലാണ്.