പുതുപ്പള്ളിയുടെ വികസനത്തിനായി കൈയെത്തും ദൂരത്ത് ഞാന്‍ ഉണ്ടാകും; ചാണ്ടി ഉമ്മന്‍
പുതുപ്പള്ളി: ഇത് അപ്പയുടെ 13-ാം വിജയമെന്ന് ചാണ്ടി ഉമ്മന്‍. അപ്പയെ സ്‌നേഹിച്ച പുതുപ്പള്ളിക്കാരുടെ വിജയമാണ്. നിങ്ങള്‍ എന്നില്‍ അര്‍പ്പിച്ച വിശ്വാസത്തിന് ഞാന്‍ ഭംഗം വരുത്തില്ല. ജനങ്ങള്‍ അവരുടെ തീരുമാനം അറിയിച്ചു. വോട്ടര്‍മാരോടുള്ള നന്ദി അറിയിക്കുന്നുവെന്നും ചാണ്ടി ഉമ്മന്‍ പറഞ്ഞു.
ജനങ്ങളുടെ വിശ്വാസത്തിന് ഞാന്‍ ഒരിക്കലും ഭംഗം വരുത്തില്ല. അപ്പയുടെ വികസന തുടര്‍ച്ചയ്ക്ക് ഞാനും പുതുപ്പള്ളിക്കൊപ്പം ഉണ്ടാകും. വോട്ടു ചെയ്യാത്തവരും ചെയ്തവരും എനിക്ക് തുല്യരാണ്. പുതുപ്പള്ളിയുടെ വികസനത്തിനായി ഒരുമിച്ച് പ്രവര്‍ത്തിക്കാം. കൈയെത്തുന്ന ദൂരത്ത് ഞാന്‍ ഉണ്ടാകും. 53 വര്‍ഷക്കാലം വികസനവും കരുതലുമായി അപ്പ ഉണ്ടായിയുന്നു.താനും അതുപോലെ ഉണ്ടാകും.
സോണിയ ഗാന്ധിക്കും രാഹുല്‍ ഗാന്ധിക്കും നന്ദി അറിയിക്കുന്നുവെന്നും അദ്ദേഹം പറഞ്ഞു. രമേശ് ചെന്നിത്തല, എ കെ ആന്റണി, വി ഡി സതീശന്‍,കെ സി വേണുഗോപാല്‍, എം പി മാര്‍ യൂത്ത് കോണ്‍ഗ്രസ്, ലീഗ് നേതാക്കള്‍ എന്നിവര്‍ക്ക് നന്ദി അറിയിക്കുന്നുവെന്നും ചാണ്ടി കൂട്ടിച്ചേര്‍ത്തു.
ഇന്നലെ മുതല്‍ നാട്ടില്‍ നടക്കുന്ന സംഘര്‍ഷങ്ങള്‍ അവസാനിപ്പിക്കണം. അമ്പലത്തിന്റെ നടയില്‍ വച്ചാണ് സംഘര്‍ഷം ഉണ്ടായത്. അത് അവസാനിപ്പിക്കണം. ഞങ്ങളുടെ പ്രവര്‍ത്തകരെ കോണ്‍ഗ്രസ് സംരക്ഷിക്കുമെന്നും ചാണ്ടി ഉമ്മന്‍ വ്യക്തമാക്കി.
