ഡാളസ്സില്‍ വൃദ്ധയെ വെടിവെച്ചു കൊലപ്പെടുത്തിയ 48 കാരന്റെ വധ ശിക്ഷ നടപ്പാക്കി
പി പി ചെറിയാന്‍
ടെക്സാസ്: വധശിക്ഷ ഒഴിവാക്കാനുള്ള പോരാട്ടത്തില്‍ പ്രമുഖ ജൂത പ്രവര്‍ത്തകരുടെ പിന്തുണ നേടിയെങ്കിലും 48 കാരനായ ജൂതന്‍ ജെഡിഡിയ മര്‍ഫിയായുടെ വധശിക്ഷ ടെക്‌സസ്സില്‍ നടപ്പാക്കി. 2000-ല്‍ ഡാലസ് കൗണ്ടിയില്‍ 80 വയസ്സുള്ള ബെര്‍ട്ടി ലീ കണ്ണിംഗ്ഹാമിനെ കാര്‍ജാക്കിംഗിനിടെ വെടിവെച്ചുകൊന്നതിനാണു ഒക്ടോബര് 10 ചൊവാഴ്ച രാത്രിയില്‍ മാരകമായ വിഷ മിശ്രിതം കുത്തിവച്ചു മര്‍ഫിയായുടെ വധശിക്ഷ നടപ്പാക്കിയത്. ടെക്‌സസ്സില്‍ ഈ വര്ഷം നടപ്പാക്കുന്ന ആറാമത്തെ വധശിക്ഷയാണിത്.
ചൊവ്വാഴ്ച രാത്രി യുഎസ് സുപ്രീം കോടതി ജെഡിഡിയ മര്‍ഫിയുടെ വധശിക്ഷയ്ക്ക് പച്ചക്കൊടി കാണിച്ചു. വധശിക്ഷയ്ക്കെതിരായ 21-ാം ലോക ദിനത്തിന്റെ അവസാന മണിക്കൂറിലാണ് ടെക്സാസ് പൗരനെ വധിച്ചത്.
പ്രതിയുടെ അവസാന പ്രസ്താവനയില്‍, ഇരയുടെ കുടുംബത്തോട് മര്‍ഫി ക്ഷമാപണം നടത്തി. തുടര്‍ന്ന് മര്‍ഫി ഒരു ദീര്‍ഘമായ ബൈബിള്‍ വാക്യം ഉദ്ധരിച്ചു – സങ്കീര്‍ത്തനം 34 – അവസാനിപ്പിക്കുന്നതിന് മുമ്പ്: ‘ദൈവം നിങ്ങളെ എല്ലാവരെയും അനുഗ്രഹിക്കട്ടെ എന്ന് പ്രാര്‍ത്ഥിക്കുകയും ചെയ്തു
ഫെഡറല്‍ ജില്ലാ കോടതി വെള്ളിയാഴ്ച അദ്ദേഹത്തിന് വധശിക്ഷ സ്റ്റേ അനുവദിച്ചിരുന്നു, എന്നാല്‍ സ്റ്റേ നീക്കാന്‍ അറ്റോര്‍ണി ജനറലിന്റെ ഓഫീസ് അപ്പീല്‍ നല്‍കി. ചൊവ്വാഴ്ച, അദ്ദേഹത്തിന്റെ അഭിഭാഷകര്‍ സ്റ്റേയ്ക്കായി മറ്റൊരു അഭ്യര്‍ഥന നടത്തി, അടുത്തിടെ ഒരു സംസ്ഥാന ജയിലില്‍ തീപിടിത്തത്തിനിടെ അദ്ദേഹം കുത്തിവയ്ക്കാന്‍ നിശ്ചയിച്ചിരുന്ന മരുന്നുകള്‍ പുകയും കടുത്ത ചൂടും കാരണം കേടായതായി വാദിച്ചു, പക്ഷേ ആ അപേക്ഷ നിരസിക്കപ്പെട്ടു. യുഎസ് സുപ്രീം കോടതിയില്‍ സമര്‍പ്പിച്ച ഹര്‍ജി അവസാന നിമിഷം തള്ളി.
ടെക്സാസില്‍ ഈ വര്ഷം മൂന്ന് വധശിക്ഷകള്‍ കൂടി നടത്താനുണ്ട്. സമീപ ദശകങ്ങളില്‍ സംസ്ഥാനം മറ്റേതിനേക്കാളും കൂടുതല്‍ തടവുകാരെ വധിച്ചിട്ടുണ്ടെങ്കിലും, കാലിഫോര്‍ണിയ – വര്‍ഷങ്ങളായി വധശിക്ഷ നടപ്പാക്കിയിട്ടില്ല. 1819 മുതല്‍, ടെക്‌സസ് സ്റ്റേറ്റ് 1,334 പേരെ വധിച്ചു. ടെക്‌സസ്സിലെ ഏറ്റവും അവസാന വധശിക്ഷ 2023 ഫെബ്രുവരി 9-നായിരുന്നു.
