ദില്ലി ഇസ്രയേല്‍ എംബസിക്ക് മുന്നില്‍ എസ്എഫ്‌ഐ പ്രതിഷേധ മാര്‍ച്ച്, വിദ്യാര്‍ത്ഥികള്‍ കസ്റ്റഡിയില്‍
ദില്ലി: പലസ്തീന് ഐക്യദാര്‍ഢ്യവുമായി ദില്ലിയിലെ ഇസ്രായേല്‍ എംബസിക്ക് മുന്നിലേക്ക് എസ്എഫ്‌ഐ പ്രതിഷേധം. പൊലീസ് അനുമതി നിഷേധിച്ചെങ്കിലും സംഘടിച്ചെത്തിയ എസ്എഫ്‌ഐ പ്രവര്‍ത്തകര്‍ എംബസിക്ക് മുന്നില്‍ പ്രതിഷേധിക്കുകയായിരുന്നു. അനുമതിയില്ലാതെ പ്രതിഷേധിച്ച എസ് എഫ് ഐ പ്രവര്‍ത്തകരെ പൊലീസ് കസ്റ്റഡിയിലെടുത്തു.
ബസുകളിലായി വിദ്യാര്‍ത്ഥികളെ സ്റ്റേഷനിലേക്ക് കൊണ്ടുപോയി. പലയിടങ്ങളില്‍ നിന്നും വീണ്ടും പ്രവര്‍ത്തകര്‍ എംബസിക്ക് മുന്നിലേക്ക് എത്തുകയാണ്. എസ് എഫ്‌ഐ മാര്‍ച്ചിന്റെ പശ്ചാത്തലത്തില്‍ എംബസിക്ക് ചുറ്റുംപൊലീസ് സുരക്ഷ കൂട്ടി.
