അമ്മയെ കുത്തികൊലപ്പെടുത്തിയ കേസില്‍ മകളെ 30 വര്‍ഷം തടവിന് ശിക്ഷിച്ചു
പി പി ചെറിയാന്‍
ഹൂസ്റ്റണ്‍: 2021-ല്‍ സ്വന്തം അമ്മ ടെറി മെന്‍ഡോസയെ (51) കൊലപ്പെടുത്തിയ കേസില്‍ മകള്‍ എറിക്ക നിക്കോള്‍ മക്ഡൊണാള്‍ഡിനെ 30 വര്‍ഷം തടവിന് ശിക്ഷിച്ചതായി. ഹാരിസ് കൗണ്ടി ഡിസ്ട്രിക്റ്റ് അറ്റോര്‍ണി ഓഫീസ് നവംബര്‍ 03-ന് അറിയിച്ചു. അമ്മയെ കുത്തിക്കൊലപ്പെടുത്തുകയും എന്താണ് സംഭവിച്ചതെന്ന് അറിയാത്തതുപോലെ നടിക്കുകയും ചെയ്ത മകള്‍ക്കാണ് തടവു ശിക്ഷ ലഭിച്ചത്.
2021 ഓഗസ്റ്റില്‍, മുഖംമൂടിയും കറുത്ത വസ്ത്രവും ധരിച്ചിരുന്ന എറിക്ക നിക്കോള്‍ മക്ഡൊണാള്‍ഡ് — അവളുടെ അമ്മയുടെ വില്ലോബ്രൂക്ക് ഏരിയയിലെ അപ്പാര്‍ട്ട്മെന്റില്‍ ജനലിലൂടെ കടന്നുകയറി കുത്തിക്കൊലപ്പെടുത്തി. തുടര്‍ന്ന് അവള്‍ പോയി, വസ്ത്രം മാറി മിനിറ്റുകള്‍ക്കുള്ളില്‍ സംഭവസ്ഥലത്തേക്ക് മടങ്ങി, എന്താണ് സംഭവിച്ചതെന്ന് അറിയില്ലെന്ന് നടിച്ചു, ഹാരിസ് കൗണ്ടി ഡിസ്ട്രിക്റ്റ് അറ്റോര്‍ണി ഓഫീസ് പറഞ്ഞു.
മക്ഡൊണാള്‍ഡ് നുഴഞ്ഞുകയറ്റക്കാരിയാണെന്ന് ദൃക്സാക്ഷി തിരിച്ചറിഞ്ഞതിനെ തുടര്‍ന്നാണ് അറസ്റ്റ്. മക്‌ഡൊണാള്‍ഡിന്റെ അമ്മ ടെറി മെന്‍ഡോസ (51) ആണെന്ന് തിരിച്ചറിഞ്ഞു.
കൊലപാതകത്തില്‍ മക്ഡൊണാള്‍ഡ് കുറ്റസമ്മതം നടത്തി, ഹരജിയുടെ ഭാഗമായി, എറിക്കക്ക് ശിക്ഷയ്ക്കു അപ്പീല്‍ നല്‍കാന്‍ കഴിയില്ല, കൂടാതെ പരോളിന് അര്‍ഹത നേടുന്നതിന് മുമ്പ് ജയില്‍ ശിക്ഷയുടെ പകുതിയെങ്കിലും അനുഭവിക്കണം.
‘ഇതൊരു ദാരുണമായ കേസാണ്, സംഭവിക്കാന്‍ പാടില്ലായിരുന്നു, പക്ഷേ ഞങ്ങളുടെ ഹോമിസൈഡ് ഡിവിഷനിലെ പ്രോസിക്യൂട്ടര്‍മാര്‍ക്ക് നീതി ലഭ്യമാക്കാന്‍ കഴിഞ്ഞു,’ ഹാരിസ് കൗണ്ടി ഡിസ്ട്രിക്റ്റ് അറ്റോര്‍ണി കിം ഓഗ് പറഞ്ഞു.
