ഇസ്രായേല്‍ വിരുദ്ധ പ്രക്ഷോഭകര്‍ കൈവശപ്പെടുത്തിയ കെട്ടിടം യുഎസ് പൊലീസ് തിരിച്ചെടുത്തു
പി പി ചെറിയാന്‍
ഇര്‍വിന്‍ (കാലിഫോര്‍ണിയ) – ഇര്‍വിന്‍, കാലിഫോര്‍ണിയ സര്‍വകലാശാലയിലെ കെട്ടിടം മണിക്കൂറുകളോളം കൈവശപ്പെടുത്തിയ ഇസ്രായേലിനെതിരെ പ്രകടനം നടത്തിയ ഫലസ്തീന്‍ അനുകൂല പ്രക്ഷോഭകരില്‍ നിന്ന് പോലീസ് ഒരു ലക്ചര്‍ ഹാള്‍ തിരിച്ചെടുത്തു
പ്രതിഷേധക്കാര്‍ ലക്ചര്‍ ഹാള്‍ കയ്യടക്കിയതിനാല്‍ യൂണിവേഴ്‌സിറ്റി അധികൃതര്‍ സഹായം അഭ്യര്‍ത്ഥിച്ചതിനെത്തുടര്‍ന്ന് സമീപത്തെ പത്തോളം നിയമ നിര്‍വ്വഹണ ഏജന്‍സികളില്‍ നിന്നുള്ള ഉദ്യോഗസ്ഥര്‍ ക്യാമ്പസിലേക്ക് പ്രവേശിച്ചു.
ഏകദേശം നാല് മണിക്കൂറിന് ശേഷം പോലീസ് പ്രതിഷേധക്കാരെ ലെക്ചര്‍ ഹാളില്‍ നിന്നും ക്യാമ്പ് ചെയ്ത പ്ലാസയില്‍ നിന്നും പുറത്താക്കിയതായി യൂണിവേഴ്‌സിറ്റിയുടെയും റോയിട്ടേഴ്സിന്റെയും സാക്ഷികള്‍ പറഞ്ഞു.
”പോലീസ് ലെക്ചര്‍ ഹാള്‍ തിരിച്ചുപിടിച്ചു,” യുസി ഇര്‍വിന്‍ വക്താവ് ടോം വാസിച് സംഭവസ്ഥലത്ത് നിന്ന് ടെലിഫോണില്‍ പറഞ്ഞു. ‘നിയമപാലക ഉദ്യോഗസ്ഥര്‍ പ്ലാസ ക്ലിയര്‍ ചെയ്തു.’
ജീവനക്കാരോട് കാമ്പസിലേക്ക് വരരുതെന്ന് ആവശ്യപ്പെട്ട് എല്ലാ ക്ലാസുകളും വ്യാഴാഴ്ച റിമോട്ടായി നടത്തുമെന്ന് സര്‍വകലാശാല അറിയിച്ചു.
