മാര്‍ത്തോമ്മാ ഫാമിലി കോണ്‍ഫറന്‍സ് രജിസ്ട്രേഷന്‍ ഫിലാഡല്‍ഫിയ മാര്‍ത്തോമ്മാ, അസെന്‍ഷന്‍ മാര്‍ത്തോമ്മാ ഇടവകകളില്‍ തുടക്കമായി
ജീമോന്‍ റാന്നി
മാര്‍ത്തോമ്മാ സഭയുടെ നോര്‍ത്ത് അമേരിക്കന്‍ ഭദ്രാസന ഫാമിലി കോണ്‍ഫറന്‍സ് കമ്മിറ്റിയില്‍ നിന്നുള്ള ഓരോ സംഘങ്ങള്‍ ജനുവരി 26-ന് ഫിലാഡല്‍ഫിയ മാര്‍ത്തോമ്മാ, അസെന്‍ഷന്‍ മാര്‍ത്തോമ്മാ എന്നീ ഇടവകകള്‍ സന്ദര്‍ശിച്ചു.
ഇടവക വികാരിമാരായ റവ. ബിജു പി. സൈമണ്‍, റവ. ജോജി എം. ജോര്‍ജ് എന്നിവര്‍ സന്ദര്‍ശകരെ അതാതു ഇടവകകളിലേക്കു സ്വാഗതം ചെയ്തു.
കോണ്‍ഫ്രന്‍സിന്റെ സ്ഥലം, തീയതി, പ്രസംഗകര്‍, കോണ്‍ഫ്രന്‍സ് തീം, സുവനീറിന്റെ വിശദാംശങ്ങള്‍, ആദ്യമായി ഉള്‍പ്പെടുത്തിയിട്ടുള്ള സ്പോണ്‍സര്‍ഷിപ്പ് പാക്കേജ് അതിലെ ആകര്‍ഷണീയമായ അവസരങ്ങള്‍ എന്നിവ യഥാക്രമം കോണ്‍ഫ്രന്‍സ് ട്രഷറര്‍ കുര്യന്‍ തോമസ്, ജനറല്‍ കണ്‍വീനര്‍ തോമസ് ജേക്കബ് എന്നിവരും ഫാമിലി കോണ്‍ഫ്രന്‍സില്‍ ഇദംപ്രഥമമായി ക്രമീകരിക്കുന്ന ഇംഗ്ലീഷ് ട്രാക്കിനെപ്പറ്റി ഇംഗ്ലീഷ് ട്രാക് കണ്‍വീനര്‍ ഡോ. ബെറ്റ്സി മാത്യുവും,രജിസ്ട്രേഷന്‍ കണ്‍വീനര്‍ ശാമുവേല്‍ കെ. ശാമുവേലും പ്രസ്താവന നടത്തി. അന്തിമ തീയതിക്കായി കാത്തിരിക്കാതെ എല്ലാവരും രജിസ്റ്റര്‍ ചെയ്യാന്‍ പ്രോത്സാഹിപ്പിക്കുകയും ന്യൂയോര്‍ക്കിലേക്ക് എല്ലാവരെയും സ്വാഗതവും ചെയ്തു.
ശാമുവേല്‍ കെ. ശാമുവേല്‍, കുര്യന്‍ തോമസ്, ബെജി ടി. ജോസഫ്, ജിബി പി. മാത്യു, വറുഗീസ് പി. വറുഗീസ് (സഭാ കൗണ്‍സിലംഗം), ചെറിയാന്‍ വര്‍ഗീസ്, ഏബ്രഹാം തരിയത് എന്നിവര്‍ ഫിലാഡല്‍ഫിയ മാര്‍ത്തോമ്മ ഇടവകയിലും .
തോമസ് ജേക്കബ് (ഷാജി), സി.വി. സൈമണ്‍കുട്ടി, ഡോ.ബെറ്റ്സി മാത്യു, ബിജു ചാക്കോ, തോമസ് മാത്യു, സജി തോമസ്, സന്തോഷ് ഏബ്രഹാം (സഭാ കൗണ്‍സിലംഗം) എന്നിവര്‍ അസെന്‍ഷന്‍ മാര്‍ത്തോമ്മാ ഇടവകയിലുമുള്ള കോണ്‍ഫ്രന്‍സ് സന്ദര്‍ശക ടീമിലുണ്ടായിരുന്നു ഇടവകകള്‍ നല്‍കിയ മികച്ച പിന്തുണക്ക് ഇടവക വികാരിമാരോടും ഇടവകാംഗങ്ങളോടും കോണ്‍ഫറന്‍സ് ടീം നിസ്സീമമായ കടപ്പാട് അറിയിച്ചു.
