‘ദി തേര്‍ഡ് ഫേസ്’: മലയാളികളുടെ ജര്‍മ്മന്‍ ഷോര്‍ട്ട് ഫിലിം ശ്രദ്ധ നേടുന്നു
വിയന്ന: ഓസ്ട്രിയയില്‍ ജനിച്ച് വളര്‍ന്ന മലയാളിയായ കെവിന്‍ തലിയത്ത് രചനയും സംവിധാനവും നിര്‍വ്വഹിച്ച ദി തേര്‍ഡ് ഫേസ് എന്ന ഹൃസ്വചിത്രം റിലീസ് ചെയ്തു. ചിത്രം ഇതിനോടകം തന്നെ നിരൂപകരുടെ പ്രശംസ പിടിച്ചുപറ്റുകയും ബാഴ്സലോണ ഇന്‍ഡി അവാര്‍ഡില്‍ ഫൈനലിസ്റ്റ് ആയത്തോടൊപ്പം വിവിധ ചലച്ചിത്രമേളകളില്‍ തിരഞ്ഞെടുക്കപ്പെട്ടു.
ഓസ്ട്രിയയിലെ രണ്ടാം തലമുറയില്‍ നിന്നുള്ള സിമ്മി കൈലാത് ഉള്‍പ്പെടെ നിരവധി മലയാളികള്‍ അണിനിരക്കുന്ന ത്രില്ലര്‍ ഴോണറില്‍ കഥ പറയുന്ന ചിത്രം ചില കൊലപാതകങ്ങളും അതിനിടയില്‍ രണ്ട് വ്യക്തികള്‍ പരസ്പരം അപ്രതീക്ഷിതവും അതേസമയം തീവ്രമായൊരു ആകര്‍ഷണത്താല്‍ ഒന്നുചേരുന്നതും തുടര്‍ന്നുണ്ടാകുന്ന സംഭവവികാസങ്ങളുമാണ് ചിത്രത്തിന്റെ ഇതിവൃത്തം.
